whales

O whale o whale o beautiful whale,
U have no rest,whole life u sail,
all day n night u play with water,
u seems to be an oceans daughter,
ur gentle swiming,no one can fail,
o whale o whale....

Hw bravely u deal with stormy waves,
in front of u all luk like slaves,
u wore a crown of,queen of an ocean, singìng n playing in every season,
u swap al sorrows with ur tough strong tale,
o whale o whale....

U luk so big with a shiny cover,
u wore some blue with grey n silver,
though u r harmless,still u were killed,
ur parts were sold n pockets were filled,
yes,its sad bt its a promise,ur existence in dis world no one can nail,
o whale o whale o beautiful whale.,

APNE

SADA APNE NAHI HOTE, YU SAATH CHALNE WALE,

DEKHE HAIN HAMNE   KHOOB, YU RAHE BADALNE WALE,

TUMHE AB SEEKHNA  HOGA , HUNAR SHAKLON KO PADNE KA,

KABHI THAME HUYE THE TUMKO,YE CHEHRE BADALNE WALE,

CHOOTE KISI KA SAATH JO, HOTA NAHI ANDHERA,

NA SAATH SE KISI KE, RAHEIN BADALTI HAIN,

HAM AAYE HAIN AKELE, BADNA BHI HAI AKELE,

HAM HAIN NAHI WO KAYAR ,KUNBO ME CHALNE WALE,

UMMEED KA JAHAN TO , AASHRIT BANATE HAI ,

JEEKAR KISI KI BHEEK PAR BHI ,MUSKURATE HAI ,

KYU KISI KI BAAT PAR ,HAM RAAH SE DIGE,

CHALNA HAME HAI TAN KE , NAHI HAM LADKHADANE  WALE………………..

RUKH

ZINDGI K RUKH YU BADALNE SE PEHLE,

SAHIL SE HAANTH YU FISALNE SE PEHLE ,

SAWAL BAN NA JAYE ,PARAKH  KHUD TUMHARI,

YU GHUT K REH NA JAYE, KUCH CHAHTE TUMHARI,

BHAR LO UDAAN APNE, UMMEED K MEHAL ME ,

AASAHAO K PANKH, SIMATNE SE PEHLE.

HAR EK SHAKS NA TUMHARA SATHI KABHI THA,

TUM KAL JAB GIRE THE ,WO TAB BHI WAHI THA.

VISHWAS KARKE TUMNE, KHUD DUSHMAN PIRO LIYE,

RASTO ME TUMNE HAIN, KANTE KHUD HI BO LIYE ,

RAKH DO UKHAD K INHE ,JO RAH ME GADE HAI,

KISI BHI SHOOL K PAGON, ME GADNE SE PEHLE,

TU SAMPOORNA HAI KHUDI ME, YE ACHOOK SATYA HAI,

JO RUK GAYA YU AAS PAR ,TO JEENA MRITYU SAMYA HAI,

MAT BHOOL K TU JEE RAHA HAI ,KHUD KI HI TO SAANS PAR,

AATMA TERI HI HA,I US PE HI VISHWAAS KAR,

WAKT HAI PEHCHAAN KAR LE ,IS AMAR SAATH KI ,

SAANSO K YU JISM SE BICHADNE SE PEHLE……………..

SHAKL

Shakl par naaz tum kar lo,magar wo kal kahan hogi ?

Sanvara hai jise shiddat se ,fir wo baat kab hogi?

Ye rang chamdi ka ,to bas do din ki shohrat hai,

Dhali jo umra ki parten ,suhani raat kab hogi??

Shakl par naaz tum kar lo…………….

Saja lo lakh tum khud ko,zamane bhar ki daulat se,

Chupa lo rooh ko apni ,dikhawat ke mukhaute se,

Khuredoge kabhi jab baith kar ,khud ki tabahi ko,

Ki gai khatao se ,tumhari baat tab hogi,

Shakl par naaz tum kar lo………………..

Parakh lo man ki soorat ko,na dhalti hai na ghat-ti hai,

Umar ke har padaw par,ye sajti hai sanwarti hai,

Ise tum  pyaar ke ras se,sada hi seench ke rakhna,

Har mod par lab par tere ,muskaan tab hogi,

Shakl par naaz tum kar lo , magar wok al kahan hogi,

TO CHAL RAHA ANANT HAI

              

TU CHAL RAHA ANANT HAI, TU CHAL RAHA ANANT HAI,

K JWALA TERI JEET KI, YE JAL RAHI AKHAND HAI,

APNE TEZ WAR SE, TU SHATRU PE PRAHAR KAR,

APNI ATULYA TAKATON KA, KHUL KE TU PRASAR KAR,

PARVAT BHI TERI CHOT SE, AAJ KHAND KHAND HAI,

K CHAL RAHA ANANT HAI, TU CHAL RAHA ANANT HAI ………………………………

KADAM JO AAJ HAI BADHE, RUK NA PAYE YE KABHI,

JO SHEESH SHAAN SE UTHE, JHUKNE NA PAYE KABHI,

KADAM BADHA TU JOSH SE, JAHAAN CHALEGA SAATH ME,

FIR DEKH TERI JEET KA, SWAROOP HI PRACHAND HAI,

K CHAL RAHA ANANT HAI, TU CHAL RAHA ANANT HAI………………………..

TU TEZ SE UDIT HUA, TU DESH KA SAPOOT HAI,

LAHOO JO DHOOL ME SANA HAI, USKA TU SABOOT HAI,

BHALE MAHAAN YUDDH ME, TU SHWET SHANTI DOOT HAI,

PAR UTHI JO AANKH IS TARAF, TO MRITYU HI TO DAND HAI,

K CHAL RAHA ANANT HAAI, TU CHAL RAHA ANANT HAI………………….

POORVA CHALKE TUNE JO, MASHAAL AAJ THAAM LI,

KAR SHAPATH KI BHAY KI TUNE, CHADREN UTAR DI,

BADHA KADAM YU TAKATON SE, RASTE UKHAD DE,

JO RUK GAYE SEHAM KE, WO KAYRON KE JHUND HAI,

K CHAL RAHA ANANT HAI, TU CHAL RAHA ANANT HAI…………………

SAUGAAT

Lo beet gaya ek or saal ,kuch khatti meethi yaad liye,

Hai khada sunehra jeevan aage, khushiyon ki saugaat liye,

Tum naam karo ,tum khoob bado,tum hi tum jag me cha jao,

Dukh ki na koi tasveer dikhe, khushiya tum sari paa jao ,

Ham liye khade hai thaal khushi ki , pyari si muskaan liye ,

Lo beet gaya ek or saal……………………….

Mushkil ho bhale rahen to kya , har haal ,e tu, badte rehna,

Parvat kitne bhi unche ho, har haal me tum chadte rehna,

Na rukna tum ,na jhukna tum ,himmat ka nahi aabhav rahe,

Har haal me chalna jeevan hai ,isme na kabhi thehraav rahe,

Hai haanth hamara sada sheesh par ,pyaar bhara  ehsaas liye,

Lo beet gaya ek or saal………………………

Ek samay tha jab haste gate the ,ham kood kood kar angan me,

Ladte , bhidte ro lete the , fir hanste the dooje pal me,

Vo beet gaya bhola bachpan,ham huye agrasar jeevan me,

Ho gai juda ab rahein hain,mai is path par ,tum us path me,

Fir bhi chamak raha ye bandhan ,mazbooti ki pehchaan liye,

Lo beet gaya ek or saal……………………

Aage jane kya hona hai, par dua yahi tum sukhi raho,

Raho jahan bhi is jag me, har haal me tum sampan raho ,

Har khushi tumhare pag choome ,phoolon sa mehke ye jeevan ,

Har jeet tumhari ho jaye , khushiyon se chehke ghar aangan ,

Ham wahi milenge,khade jahan hai, bhaiya phoolon ka haar liye,

Bhaiya phoolon ka haar liye,

Lo beet gaya ek or saal ,kuch khatti meethi yaad liye…….

SAFAR

Jeevan ek anjaan safar hai ,kat-ta hai kat jayega,

Kaal chakra k ghere me , jo ghatna hai ghat jayega,

Fisal gaya jo hanthon se ,tum dhund kabhi na paoge,

Palak jhapakne  ki deri me , sahil ojhal ho jayega,

Jeevan ek anjaan safar hai ……………                    

E-khwaab dekhne wale sun le , har khwaab tujhe sach karna hai ,

Uth kar apni neendo se tujhe, duniya me aage badna hai ,

Ek kadam bada tu himmat se,fir dekh jahan tera hoga,

Har taraf tu hi chaya hoga,ye gagan yahi jhuk jayega,

Jeevan ek anjaan safar hai………………

Apni adbhut chamta kit u, khud se to kabhi pehchaan kara,

Hai tujhme bhi kuch baat alag, tu kyu hai sabse door khada,

Tu sheesh utha kar dekh jahan ko, vishwaas bhari hunkar laga,

Fir dekh inhi kadmo se tu, manjil apni paa jayega,

Jeevan ek anjaan safar hai…………………..

Hai log agar vidrohi to , is dar se tu na thamna kabhi,

Takat teri bas tu khud hai, jeevan dhara ki reet yahi,

Khud se hi tu roshan hokar , rahon ko apni chamka,

Fir dekh khushi teri hogi , tera parcham lehrayega ,

Jeevan ek anjaan safar hai ………………………….

Mumkin hai teri rahon me , agdit mushkil pal ayenge,

Kuch haanth tere sehyogi honge,kuch dekar chot girayenge,

Hona hai wo jo tu chahega , jo tera man batlayega,

Asha se bhari tu pahal to kar , dushman bhi tera ho jayega,

Jeevan ek anjaan safar hai………………………….

Jo hansta hai use hansne de , hansne wale hai khoob khade,

In choti choti goonjon se , tu apne path par kyu na badhe,

Rakh nazar tu apni manzil par , rodo ki bhala kya hasti hai,

Tu khud ka atul samman to kar , hark anta pushp ban jayega ,

Jeevan ek anjaan safar hai…………………………….

Haan tune bhi hai janam liya, duniya ko ye batlana hai ,

Marna hi tera lakshya nahi , hare k ko ye samjhana hai ,

Tu aaya hai , tu jaayega , isse kuch to fark pade,

Tujhse goonjega nabh sara , dharti ka tal tharrayega,

Jeevan ek anjaan safar hai ……………………….

Tu aaj khada us bindu par , aage bas tu hi sathi hai ,

Na rukna hai , na jhukna hai , mat bhool ki tu apwadi hai ,

Tahas nahas ho rah bhale , kitne bhi andhere mod mile,

Yahi nishan hai ,isi raah par ,tu khud ko pa jayega ,

Tu khud ko paa jayega……

Jeevan ek anjaan safar hai …………