YAROON DOSTI BADI HI HASEEN HAI...

HAM JAHA BHI RAHE, TUM YAAD ME HOGE,

KHUSHI YA KOI GAM RAHE, HAR HAAL ME HOGE,

YAADEIN WO APNI CHULBULI, HAR DAM JAWAN HONGI,

CHAHE WO KHWAABO ME SAHI, BAATEIN MAGAR HONGI,

SCHOOL KI ATKHELIYA, TEACHER SE VO ULAJHNA,

CHUP REHKAR DAANT SUNNA, FIR BAAD ME UCHALNA,

CANTEEN KI WO LINE, POCKET MONEY NA HONA,

RECESS KE BAAD THAK KAR, HAR CLASS ME WO SONA,

HAR EK SE WO LADNA, FIR HANSNA KHILKHILANA,

DIN BHAR KA HAAL CHAAL, AAPAS ME FIR BATANA,

BEETI HUI WO BAATEIN, GUZRA HUA JAMANA,

BAS YAAD ME RAHEGA, YE APNA DOSTANA,

COLLEGE KA WO CAMPUS, MUSHKIL SE MERA AANA,

HAR BAAT PAR BIGADNA, FIR RUTHNA MANANA,

RAATO KO WO JAGNA, PADNE KA THA BAHANA,

MESSAGE ME RAAT BHAR, LOVE KE KISSE SUNANA,

CHADAR KO KHENCHKAR, MUJHE WO BISTAR SE GIRANA,

BAALO KO KHOLKAR, WO CHOTIYAN BANANA,

MINITOKE LIYE AANA OR GHANTO KA GUZAR JANA,

BEETA HUA WO LAMHA , NA AAYEGA DOBARA,

HAM SAATH CHAL RAHE THE, AB RAHON KO HAI BADALNA,

AB HAM NAI RAHENGE , HAR MOD PAR SAMHALNA,

KUCH CHOOT GAYE TO KYA, NAYE DOST FIR MILENGE,

GUL EK JO GAYA TO ,KAI FOOL FIR KHILENGE,

JAANE PE TUM YU MERE, AB AANKH NAM NA KARNA,

TAARON SA ROSHAN HOKAR, AAKASH ME BIKHARNA,

EK DAUR JEE CHUKE HAI, EK DAUR AB HAI JEENA,

YAADON ME HAMKO RAKHNA, BAS BHULNA KABHI NA,

TOLI SE HAMKO APNI, LENA AB VIDA HAI,

HAM JAA RAHE HAI YAARO , AB SABKO ALVIDA HAI,

AB SABKO ALVIDA HAI…………

VIDAAI

JAANE IN RAAHO ME ,HAM KAL HO NA  HO,

TERI HAR RAAHO ME,HAM MAUJOOD HO NA HO,

PAR TUJHPE HAI YAKEEN, TU SHAAN SE JIYEGA,

JEET SE BHARI HAR ,RAAG ME BAHEGA,

CHAAHE RAHE JAHAN BHI,TU KHUSH RAHE JAHAN ME ,

HANSTE GUDGUDATE ,KHUSH-HAAL SE SAMA ME,

HAM YAADME TUMHARI BESHAK BANE RAHENGE,

HANSI ME TERI KHIL KE ,FIR KHWAAB ME MILENGE,

KISMAT KI HAI BAAT,RAAHON KA MILNA JULNA,

KITNE BHI MAUSAM AAYE, KHUD KO NAHI BADALNA,

VAADA HAI TUMSE MOD PAR, TAKRAYENGE KABHI TO,

DUNIYA HAI ITNI CHOTI, OR REHNA HAI YAHI TO,

KAI PAL TUMHE SHARARTI ,JO YAAD AAYENGE,

TAB NAIN TERE KEEMTI, MOTI GIRAYENGE,

CHUP KAR KAHI ME PYAAR SE, FIR KHILKHILAUNGI,

SUKH DUKH KI APNI YAAD KO ,MAIN GUNGUNAUNGI,

ROYEGI NA TU ROOTH KAR, UMMEED KARTI HOON,

DHOONDE KYU MUJHKO HAR JAGAH ,ME TUJHME HIO REHTI HOON

ME TUJHME HI REHTI HOON…………………..

KHAMOSHI

KHAMOSH KYU YE RAAT HAI ,KYU AAJ HAM SOYE NAHI,

 SHAYAD SAMAYE  KI RET SE,NISHAAN KUCH DHOYE NAHI,

CHUP SI IN  HAWAO ME ,MACHA HUA KYU SHOR HAI,

KAL WAQT KOI OR THA ,KYU WAQT AAJ OR HAI ,

TAKIYE KE NEECHE DAAB KAR, KUCHLE HUYE KUCH YAAD HAI,

AANKHE JO MOOND LE ZARA , TO ZINDA HAR EK KHWAAB HAI,

ARSO KE BAAD HAAL HAI ,KI AAJ HAM ROYE NAHI,

KHAMOSH KYU YE RAAT HAI…………..

                                                      

DETAJO WAQT MOHLATE, TO HAM BHI KOI CHEEZ THE,

MUSKAAN KI TERI ,HAR WAJAH ME HAM SHAREEK THE,

TUM NIKAL GAYE, KI HAM THAHAR GAYE JAWAAB KUCH MILA NAHI,

BADAL HAM HI NA SAKE, PAR TUMSE KUCH GILA NAHI,

JUDA HUI JO RAAH TO, FIR KHWAAB SANJOYE NAHI,

KHAMOSH KYU YE RAAT HAI…………..

KAMI KYA HUI PYAAR ME, SAWAAL KA MALAAL HAI,

YE KAL BHI EK SAWAAL THA, YE AAJ BHI SAWAAL HAI,

TUM CHUP THE KYU HAR BAAT PAR ,PAHELIYO KA DAUR THA,

HAANTHO ME TERA HAANTH THA, PAR TU SHAKS KOI OR THA,

KHAMOSH HAI JO LAB TERE , FIR GEET PIROYE NAHI,

KHAMOSH KYU YE RAAT HAI…………..

JANA HI THA TO , AANKH SE FAREB KYU KARTE RAHE,

TERE KAHE HAR JHOOT PAR , HAM SHAAN SE MARTE RAHE,,

HALAAT AISE KYA HUYE, KI HAM BHI OR HO GAYE,

MON HAM KHADE RAHE , JAANE KAHAN TUM KHO GAYE,

LAGI JO CHOT PYAAR KI, KI ZAKHM FIR DHOYE NAHI ,

KHAMOSH KYU YE RAAT HAI…………..

KADAM

 Kyu ruk rahe hai kadam,rahon ko dekhkar??

Kyu ham behak rahe ,hazaro ko dekhkar??

Jab khud chuni hai raah to, fir kyu viraam hai??

Faisle par tere kyu ,auro ka daav hai ??

Maddham hai teri chaal kyu, pyaaron ko dekhkar??

Kyu ruk rahe……….   

Tere hi haanthon me to , teri kamaan hai ,

Khushiyon bhari ye raah fir kyu, soonsaan hai??

Mana teri is raah par ,kuch choot jayenge,

Par tujhko  parakhne ko, duniya tamaam hai,

Fir aankh teri nam hai kyu, dararo ko dekhkar??

Kyu ruk rahe……….

Kar le tera jo faisla hai, aaankh moond kar,

Manzil kya apni paayega, yu pooch pooch kar??

Har koi tujhko jeene k hunar sikhayega,

Fir teri hare ek soch par, mohar lagayega,

Kya tab badega raah par?? Auro ki soch par,

Kyu ruk rahe……….

Rishton ki dor aaj kyu , kadmo me tang hai??

Chaahaton par sabki kyu ,tu aaj bhang hai??

Kai bhed tujhe raah se, dagmag hilayenge,

Har pag tera marod kar, wo muskurayenge,

Kar de fana har khauff ko, aankhen tarerkar,

Kyu ruk rahe……….

Aankhon me jo manzil ka tune, khwaab bhar liya,

Aadha safar to jeet ka hai ,paar kar liya,

Har mod par kadamo ko ab , ponchna kyu hai??

Kshad bhar bhi ho to, chaahato ko rokna kyu hai ??

Kyu ferna nazar ko ab, kinaron ko dekh kar??

Kyu ruk rahe……….

ARCIS-THE RISING SYMBOL (ANTHEM)

bheed se hat ham ek huye ,ham kaam naya kar jayenge,
haanth mila ham badenge aage,sabko ham samjhayenge,
rang roop ka bhed bhula,jeevan ka raag sunayenge,
jo gire huye hai utha unhe.......
jo pichad gaye hai bada unhe....
ham ek-ek ka haanth thaam ,sabko jeena sikhlayenge,
ham "ARCIS" hai ham takat hai ,har soch nayi kar jayenge.....
har soch nayi kar jayenge .....

sundar hain apna desh bohat par ghaav kai wo jhel raha,

kai bachhe isketadap rahe, rishton me nahi koi mail raha ,

sasak rahi kai saanse hai , khuli hawa me jeene ko ,

jung lagi kai reeto se , jan kai jaano se khel raha,

nasoor koi banne se pehle , ham ghaav sabhi bhar jayenge ,

ham "ARCIS" hai ham takat hai ,har soch nayi kar jayenge.....
har soch nayi kar jayenge .....

aaj desh ki beti bhi ,beton jaisa pad sakti hai ,

Jhansi ki raani k jaise ,har mushkil se lad sakti hai,

Bahu betiyon ko ghar ki ham raah nayi dikhlayenge,

Har haq ka unko gyaan kara ,jeevan me unhe badayenge ,

ham "ARCIS" hai ham takat hai ,har soch nayi kar jayenge.....
har soch nayi kar jayenge .....

bachho se juda hai kal apna ,ye desh unhi se chalna hai ,

nanhe munhe hantho ko hi ,chehre pe roshni malna hai ,

jog hut kar saham gaya bachpan ,chand paiso ke abhaav tale,

na aaj hamara hoga tab ,na kal hamko kuch milna hai ,

choti choti aankhon ko ham udne ka khwaab dikhayenge,

ham "ARCIS" hai ham takat hai ,har soch nayi kar jayenge.....
har soch nayi kar jayenge .....

bhare huye vishwaas se ham , na diga sakega waqt hame ,

badenge aise josh se ham, rukne ki nahi koi chaah rahe ,

har soch badal do jeevan ki , jab neev nayi rakhni hi hai ,

ye desh bana ,parvesh bana ,har reet bani hamse hi hai ,

ghoom ghoom kar rahon me ,ham baat yahi dohrayenge,

ham "ARCIS" hai ham takat hai ,har soch nayi kar jayenge.....
har soch nayi kar jayenge .....

MAI KYU ITNI LACHAAR HOON MAA???

ME KYU ITNI LACHAAR HOON MAA??
MAI BHI TERI KOKH ME THI ,TUJHSE HI MAINE JANM LIYA,

MERI KOMAL HALCHAL KO BHI,TUNE THA  MEHSOOS KIYA,

TERI HI SAANSE MUJHME HAI ,TERE HANTHON NE MUJHE GARHA,

HAR ANSH MERA TUJHSE HAI MAA ,HAR ANG ME TERA RANG CHADA,

POORI TERI SI HI HOON  ……..

FIR ME KYU ITNI LACHAAR HOON MA….??

CHAATI SE LAG ME BADI HUI ,MAINE BHI TERA DOODH PIYA,

TERE AANCHAL KI CHAAV TALE ,MAINE HAR SUKH THA DHOOND LIYA,

HASTI ME KHIL UTH-TI THI ,TERE KADMO AAHAT SE,

GHUTNO K BAL ME DAUD LAGATI ,TERI PAYAL KI CHAN-CHAN SE,

HAR  HARKAT TUJHSE THI MERI …….

FIR ME KYU ITNI LACHAAR HOON MAA??

BABA KI UNGLI KO THAME ,RAAH MUJHE TAY KARNI HAI,

DUNIYA BHAR KE RANGO SE,JEEVAN KI CHADAR RANGNI HAI,

TERE HAAR EK KHWAAB KO MAA ,ME BHI POORA  KAR SAKTI HOON,

APNI LAAJ K KHATIR MAA, DUNIYA BHAR SE LAD SAKTI HOON,

HIMMAT ME NAHI KOI KAMI MERI………..

FIR ME KYU ITNI LACHAAR HOON MAA??

ROZ SUBAH BHAIYA KE JAISE ,ME BHI PADNE KO JAUNGI,

CHAUKI BELAN KA SAATH CHOD,MAI BHI AB KALAM UTHAUNGI,

MERE NAZUK KANDHO PAR MAA,MEHENGE RISHTO KA BOJH NA RAKH,

MUJHE BYAHNE SE PEHLE, MERE TAN MAN KA HAAL PARAKH,

HAR AAH MERI TU SUN PAYI………….

FIR ME KYU ITNI LACHAAR HOON MAA……..??

ME KYU ITNI LACHAAR HOON MA…………….??

YU IT

MAA

 JANM K TERE SAATH HI ,ASTITVA NAYA JO PATI HAI ,

KILKARI SE TERI ,AANKHEIN JISKI BHAR JATI HAI  ,

 TERI SANSO KO SUNKAR, RAATE JISKI KAT JATI HAI,

TERE BHOLE CHEHRE KO PADKAR ,NIND JISE NA AATI HAI,

TERE SANG JANAM LETI HAI ,WO HI MAA KEHLATI HAI………

EK EK ANSH SE KHUD KE,JO POORA TUJHE BNATI HAI,

KHUD K HISSE KI SANSE DE  ,JO JEENA TUJHE SIKHATI HAI,

APNE RANG ROOP SE LEKAR ,JO TERA ROOP SAJATI HAI,

BADA K TUJHKO JEEVAN ME , JO KHUD DHOOMIL HO JATI HAI,

TERE LIYE HI JEETI HAI , WO HI MAA KEHLATI HAI………………..

AANE SE PEHLE KADMO KI ,AAHAT JISKO HO JATI HAI,

HAR EK CHEEKH PAR TERI, JAAN JISKI DHAK SE HO JATI HAI,

ROJ RAAT JO AANCHAL ME ,NIND DHER BHAR LAATI HAI,

BHOR BHAYE JO MANTHE KO,HANTHON SE SEHLATI HAI,

TERE SANG BADI HOTI HAI,WO HI MAA KEHLATAI HAI …………….

THAAM KE NAJUK HANTHON KO , RAHE JO BATLATI HAI,

NANHE NANHE KADMO KO ,BADNA JO SIKHLATI HAI ,

BHOLE BHALE BACHPAN KO, JO JEEVAN KA PATH PADATI HAI,

NAI KHULI IN ANKHON KO ,DUNIYA JO DIKHLATI HAI,

TERE SANG LADTI BIDTI HAI ,WO HI MA KEHLATI HAI……………

HAR DUKH ME TERE JEEVAN K ,AANKHE JISKI BHAR AATI HAI,

HAR EK JEET PAR TERI JO ,FOOL FOOL ITRATI HAI ,

DAANT DAPAT LE KITNA BHI ,FIR LEKAR THAAL MANATI HAI,

DHAR DHAR BAHA KAR ANSU, PYAAR BHARA MUSKATI HAI ,

TERE SANG HASTI ROTI HAI, WO HI MAA KEHLATI HAI ……………..

CHOOR CHOOR HO JANE PAR BHI, APNA FARZ NIBHATI HAI,

GHAR KI EK PUKAR PE JO,JHAT SE AAGE AA JATI HAI ,

ULJHAN KI REKHAO KO JO,RAKHKAR SABRA MITATI HAI,

DO BOL JO SUN LE PYAR BHARE ,SHARMA SI JO JATI HAI,

TERE SANG HI CHALTI HAI , WO HI MAA KEHLATI HAI……….

HAR EK CHOT PAR JEEVAN KI ,JO DEKAR HAANTH UTHATI HAI ,

UMRA KE HAR PADAV PE JO ,ANUBHAV SE SAMJHATI HAI ,

UMRA KE KITNE SAAL PAR BHI ,BACHHA TUJHKO HI PATI HAI ,

TERE SANG JEENA CHAHTI HAI, WO HI MAA KEHLATI HAI ………..

JISKE VISTRUT VISTAR KI , BAAT NAHI BANDG PATI HAI ,

JISKE BARE ME BOLE TO ,GHADI  WAHI THAM JATI HAI,

KHATTE MEETHE JEEVAN KI ,JO YAAD MAHAJ REH JATI HAI ,

LAKH BHULANE PAR BHI JISKI ,YAAD NAHI MIT PATI HAI,

TERE SANG MARNA CHATI HAI,WO HI MAA KEHLATI HAI …………..

WO HI MAA KEHLATI HAI …………….