CHEHRA

                    

Khaamosh tera chehra ,kuch keh raha hai hamse,

Khwaabo me khoyi hai jo,ye band teri annkhen,

Mera naam jo pukaare ,wo honth tere chup-chup,

Bharne to mujhko khud me,betaab teri baahein,

Gum ho gai hu tujhme,ab to na jaane kabse,

Khamosh tera chehra……………………………………

Neendo me teri tujhko,kabse niharoo me,

Takti rahu jo tujhko,palke nahi thakti,

Baithi hu paas tere ,haanth ko pakde,

Roku me lakh isko, dhadkan nahi rukti,

Chupa lu tujhko khud hi me,ab to aaj me sabse,

Khamosh tera chehra……………………………………

Umra bhar me tujhko, yuhi beth kar dekhu,

Mere din me tu rahe,aur  raat me bhi tu,

Jab jab me aankh kholu, bas shakl teri ho,

Har saans me basa hai,ruuh me bhi rama tu,

Paya hai khud ko jabse,chaha hai tujhko tabse,

Khamosh tera chehra……………………………………

Na door mujhse hona,jee na sakenge ham,

Tujhse hai jeena seekha,fanaa saath honge ab,

Har saans par meri ,bas tera hi haq hai,

Tere ek ishaare par ye saanse tod denge ham,

Ek tujhko hi tujhko,hai maanga bas mere rab se,

Khamosh tera chehra……………………………………

TANHAI

raat kat-ti ahi akele or na din guzarta Hai,
manzar saath. ka tere palko par theherta Hai,
mauzudgi me Teri lamho ka mere katna,
aahat ko teri sunkar khud me mera simatna,
aankhon me tujhko bharke saawan barasta Hai,
raat kat-ti nahi akele or na din guzarta Hai,

tujh bin saans tak Lena nahi mujhko gawara h,
tere didaar ke khatir,khud ko yu sawara Hai,
tu door Hai mujhse pata khoob Hai mujhko,
bataye kon ab isko ye mera dil
bechara Hai,
lakh isko batoru me ye fir se ja bikharta hai,
raat kat-ti nahi akele or na din guzarta Hai,


chaya Hai tera chehra har waqt aankho par,
jhoole pyaar ke tere dale h dil ki shakho par,
talashe ab tujhe nazre kadam jab jab badau me,
nazara tera hi tera chaya Hai nigaho par,
nazar bhar dekhne tujhko ye mera dil tarasta h,
raat kat-ti nahi akele or na din guzarta Hai,

TANHAI

TANHAIYO KA GHERA,OR DOOR TAK ANDHERA,

HOTHO PE TERE NAGME, KHWAABO PE TERA DERA,

KANDHO PE TERE TIK-KAR, WO SHAAM KA GUZARNA,

BAAHON ME TERI AAKAR, LAMHO KA WO THAHARNA,

HAI YAAD MUJHKO APNA, HAR BAAT PAR BIGADNA,

ROZ TUJHSE MILNA, OR ROZ KA BICHADNA,

DHUNDLA GAYE WO LAMHE, HAI YAAD KA BASERA,

TANHAIYO KA GHERA……………..

CHEHRE KO MERE PADKAR, WO TERA MUSKURANA,

CHUP CHUP KE MUJHKO TAKNA, FIR AANKH KO CHURANA,

TERE SAATH CHALTE CHALTE, WO WAQT KA GUZARNA,

MILNE KI AARZOO ME, GHANTO MERA SAWARNA,

HAI YAAD TUJHSE MILKAR, NAZRO KO WO JHUKANA,

MOOND KAR AANKHON KO, DIL KI DHADKANE SUNANA,

CHUP HAIN WO SAARI RAATE, KHAMOSH HAI SAVERA,

TANHAIYO KA GHERA……………..

SAMARPAN

Jinse roop swaroop mila,or jag duniya ka gyaan hai,

Jinke haanthon se rachi gayi,or paya jeevan daan hai,

Janm se lekar karm talak,raahon me jo saath chale,

Chote se lekar bade kadam tak,har  haal me mere saath badhe,

Jinse khud ki pehchaan mili,or mile samoochit gyaan hai,

Un maat pita ke charno me arpit mera sammaan  hai………..

Huye safal ya gire kabhi,kandhon par jinka haanth raha,

Khushiya sab bhar di jholi me,chup hokar khud sab dard saha,

Koi dukh hamko na chu paye, wo raahon me yu khade rahe,

Huye dakhal kai rishton me, lekin wo fir bhi, ade rahe,

Jinse khud ko paa payi hoon, or jo mera wardaan hai,

Un maat pita ke charno me arpit mera sammaan  hai………..

Khushiyon me jinko khushi mili, dukh me aankhen jinki chalki,

Bin bole hi khoob samajhte hai, jo baatein meri such dukh ki,

Aafat se lekar raahat tak, jo shakl meri pad lete hai,

Hain khoob parakhte sach ko par, har jhoot mera sun lete hai,

Vishwaas bhara dil me jinke, mujhse jinka abhimaan hai,

Un maat pita ke charno me arpit mera sammaan  hai………..

 

SAWAAL????

                                              
HAR SHAKHS "SE" SAWAAL HAI, HAR SHAKHS "PE" SAWAAL HAI??
INSAANIYAT KI RAAH ME, MACHA KYU FIR BAWAAL HAI,
SISAK RAHI KYU ROOH FIR, KYU CHEEKH HAI PUKAAR HAI,
YE KHEL AABRU KA KYU, HOTA BAAR BAAR HAI,
HAI MAR GAYA AB AADMI, BAS KROORTA SAWAAR HAI,
HO RAHA AB DESH KA HAR ROZ BALATKAAR HAI...


RAKSHAK HAMARI AAN KE, KHUD KAR RAHE PRAHAAR HAI,
CHEER AURATON KE AB, HUYE JO TAAR TAAR HAI,
KHUD APNI SHAKL DEKHKAR, HAM AAJ SHARMSAAR HAI,
DAHAK UTHI HAI AATMA, HAR EK PAR YE VAAR HAI,
KUCHAL KUCHAL KE IZZATON KO, HO RAHA PRACHAAR HAI,
KI HO RAHA AB DESH KA HAR ROZ BALATKAAR HAI...


LAVZ MAUN HO GAYE, SADKO PAR CHEEKH CHEEKH KAR,
CHITHDON SE AABRU KE, APNE JISM KO LAPET KAR,
HAI LAD RAHI WO WAQT SE, YU BHEEK MANG MANG KAR,
SARAK RAHI GHISAT RAHI, WO ZAKM SAARE DHAANK KAR,
HAI MIT GAYE USOOL SAB, CHAYA JO ANDHKAAR HAI,
KI HO RAHA AB DESH KA HAR ROZ BALATKAAR HAI......

YAADEIN

Chhod chale ham bachpan ko, un galiyon  me us aangan me,

Pedo ki chaya garmi me, baarish ki boonde saawan me,

Haste gaate un lamho ki, bas dhundli si kuch yaadein hai,

Tez shor me jeevan ke, khamosh hui kai baate hai,

Beet gaye kai arse hai, sukh se raato ki neend liye,

Sujjhe jeevan ko bhool ke ham, bad chale ulajhte yauvan me,

Chhod chale ham bachpan ko……………

Kab chhoot gaye wo khel kood, thodi bhi na bhanak hui,

Jaane kab sapne badal gaye, jane kab raahein badal gai,

Kab jeevan par  likh baithe ham, yu kagaz par likhte likhte,

Door nikal gaye sabse kab, jane yu chalte chalte,

Jab aankh khuli to paya khud ko, behti lehro ke jhonko me,

Kuch lamhe beete kal ke hai, kuch aane wale jeevan ke,

Chhod chale ham bachpan ko……………

Jab chot lagi kai seene me, tab rishto ki pehchaan hui,

Khud thokar khane par jana, ab jeevan ki shuruwaat hui,

Ab hasne ko ji karta hai, un bematlab ke jhagdo par,

Girte hain aansu pyaar bhare, jab mil na paate hai kshan bhar,

Dekh rahi ab aankhein hai, sab rang suhane jeevan ke,

Bad chale bichadti yaadon ko, ab bharkar apne daman me,

Chhod chale ham bachpan ko……………

SHAHEED…

KOKH ME WATAN KI WO KHO GAYE ,WO KHO GAYE,

AURO KO NIND BANTKAR, WO SO GAYE,WO SO GAYE,

SHAIYYA PE MAUT KI BHI WO, HAR SAANS PAR JEETE RAHE,

JISMO KE GHAAV DHAANK KAR, HAR DARD KO PEETE RAHE,

JIYE TO TAAL THOK-KAR , WOSHATRU PAR SAWAR THE,

MARE TO UNKE TEZ SE, TAARE UJAAR HO GAYE,

KOKH ME WATAN KI WO KHO GAYE ,WO KHO GAYE…………

BHEED SE NIKAL KE JO, US BHEED KE LIYE LADE,

KHATRE ME JAAN DAALKAR, HAR JAAN KE LIYE LADE,

AANKHON ME JASHN JEET KA, HAR RAAT JO BUNTE RAHE,

HAR DIN KAFAN KO BANDHKAR, SHOOLO PE JO CHALTE RAHE,

BADHE TO IS TARAH KI SARI BANDISHE UKHAD DI,

THAME JAHAN TO VEERTA KE BEEJ KAI BO GAYE,

KOKH ME WATAN KI WO KHO GAYE ,WO KHO GAYE…………

DOR APNE PRIYAJANO KI TOD JO AAGE BADHE,

AANCHAL KO MAA KE BHOOLKAR, ANGAAR PAR CHAL PADE,

NIRAASH WAPAS LAUT GAYI, RAKHIYAAN JINKI KAI,

LAALIMA SINDOOR KI, MAANGON SE KAI UJAD GAI,

AANSU BHARI NIGAAH JO, PARDE KE PEECHE KAID THI,

JO ROYI TO SAMUDRA KE UFAAN TAAR HO GAYE,

KOKH ME WATAN KI WO KHO GAYE ,WO KHO GAYE…………

JINKE TEZ SHORYA KO, HARA SAKI NA MAUT HAI,

JWALA JINKI VEERTA KI, ANT TAK JWALANT HAI,

JO JHEL HAR PRAHAR KO,FAULAD SE DATE RAHE,

BHALE GIRE UTHE MAGAR, WO SHAAN SE KHADE RAHE,

JALE TO AANKH ME WO SABKI, ROSHNI BHARTE RAHE,

BUJHE TO AASMAAN KE TAARE HAZAAR SO GAYE,

KOKH ME WATAN KI WO KHO GAYE ,WO KHO GAYE…………