MAA ,MOTHER ,AMMI ,AAI

maa,mother, ammi, aai,
names are many ,but feature is one,
castes are many but tradition is one,

eternal word, that cannot be defined,
in all the world's dictionary,u cannot find,
its not just word, it means a lot,
u can feel its presence in every thought,

the prettiest lady,u can ever imagine,
with all the qualities of loving and caring,
even at the peak of her anger,she cant resist,
to give wishes to her child,by opening her fist,

no one can reach,the depth of her heart,
for sake of her child, she gives her every part,
the love of mother,is truely eternal,
and the existence of her is "IMMORTAL"

aao bharat nirman kare

aao bharat nirman kare ,
daman me nit naye rang bhare,
na koi yaha ab bhrasht rahe ,
na koi yaha vidhrohi ho ,
na koi yaha bhooka soye,
na koi yaha ab sehma ho ,
sab prem ekta ki rah chale,
aao bharat nirman kare .........


bharat jo sone ki chidiya ho ,
shanti ka jahan basera ho ,
har manushya manushya se pyaar kare,
bhai na bhai par war kare,
aur koi na swyam ka patan kare ,
aisa bharat nirman kare ,
aao bharat nirman kare .......


mana safar asaan nahi ,
nav nirman koi khilwad nahi ,
par desh hamara tadap raha ,
dooja koi upchaar nahi ,
jan jan ki takat jud jayegi,
khud se to ham shuruwat kare ,
aao bharat nirman kare ...........

e desh lootne walo sun lo ,
ham jag gaye ham jaag gaye ,
ab koi yaha lachaar nahi ,
ab koi yaha kamjor nahi ,
hil jayega singhasan inka ,
is tez k saath prahaar kare ,
aao bharat nirman kare ......


ye khel nai ab satta ka,
janta ko tumne jhangjhora hai,
jan jan se juti is himmat ka ,
gyaan tume bas thoda hai ,
ham janta hai ,ham takat hai ,
bhrashto ka ham sanghar kare,
aao bharat nirman kare .........


nav nirmit bharat me ham shanti ka deep jalayenge ,
bair dwesh ko door hata sab prem bhav se gayenge ,
sabke chehre pramudit honge,divya tez lalat chamkayega,
ek dooje ka haanth thaam ham aage badte jayenge ,
aise swarnim bharat ka ham ,apne hantho se shringaar kare,
aao bharat nirman kare ...........
aao bharat nirman kare .........

pankh hamare bohat hain lekin udne ko aakash to do

pankh hamare bohat hai lekin,udne ko aakash to do,
khud ko roshan kar denge,hamko hone ka ehsaas ko do,
har jagah pataka fehra denge,sada safal gathao ki,
pag pag se raah bana lenge ham,in kadmo ko pehchaan to do,
pankh hamare bohat h lekin......


ham himmat hai,ham takat hai, ham sehan shakti ki murat hai,
aad jaye to ek tabahi hai,jhuk jaye to prem ki murat hai,
najuk najuk in haantho se,ham kaam karenge jatil jatil,
har ek papi ka naash karenge,in haantho me talwaar to do,
pankh hamare bohat hai lekin.....


bholi bhali surat hai ,par sankalp hamare bade bade,
har andhi tufaan me ham,dhrin prehri bankar date rahe,
ek baar jo aage bad jaye mudna na hamne jana hai,
gaa gaa kar jyot jala denge,in shabdo ko aawaz to do,
pankh hamare bohat hai lekin.....


kholo kapaat in pinjro ke, fir parkho nari shakti ko,
pal me komal pal me jwala,aisi adbhut bhakti ko,
banjar me fool khila denge,ham parivartan ki seede hai,
badal k rakh denge duniya ko,in ummeedo ko aagaz to do,
pankh hamare bohat hai lekin.....


beta beti ka bhed bhula,ek baar hame apna kar dekho,
ban mashaal rah dikhla denge ham,ek jyot jara dikhla kar dekho,
har haal me ham saiyyam rakhte,or paa lete swaroop naya,
khud ko sabit kar jayenge,hamko spardha ka maidan to do,
pankh hamare bohat hai lekin.......


yu kutar kutar najuk pankho ko,tum kis par jor batate ho?
jis nari se tumne janam liya,tum maar use muskate ho,
tyaag pratigya jeevan jiska,ek uff bhi jo na kare kabhi,
nahi mangti dhan or daulat,astitwa ko uske samman to do,
pankh hamare bohat hai lekin ,udne ko aakash to ..........................